2024 çулхи пуш уйӑхӗн 1-мӗшӗнче Чӑваш патшалӑх университетӗнче Раҫҫейри халӑхсен тӑван чӗлхипе тата литературипе шкул ачисен федераци олимпиади иртнӗ. Унта «Чӑваш чӗлхипе литератури» профиль кĕнӗ.

Олимпиадӑра 20 ытла профиль тӑратнӑ: авар, алтай, пушкӑрт, даргин, долган, карел, кета, крым тутар, кумык, лак, лезгин, мари, мăкшă, ненец, вырӑс, табасаран, тутар, тува, удмурт, украин, хакас, чечен, чӑваш, чукча, эвенк, ирçе, юкагир, якут чӗлхисем.

Олимпиадӑн пӗрремӗш тапхӑрӗ онлайн форматра иртнӗ. «Чӑваш чӗлхипе литератури» профильпе унта Чӑваш Ен, Тутарстан тата Пушкӑртстан шкулĕсенче 8-11 класра вӗренекенсем 200 çын ытла хутшӑннӑ.

Олимпиадӑн юлашки тапхӑрӗ Чӑваш патшалӑх университетӗнче иртнӗ, унта 56 шкул ачи куҫӑмлӑ майпа хутшӑннӑ. Ҫак олимпиадӑра пирӗн округри Атнар тата Питӗркассинчи вӑтам шкулта вӗренекен М.Илларионова тата М.Ермолаев призер ятне тивӗҫнӗ. Паян Олимпиада ҫӗнтерӳҫисене Чӑваш патшалӑх университетӗнче чысларӗҫ.  Чӑваш тата вырăс филологийĕпе журналистика факультечӗн деканӗ А.М. Ивановa ҫӗнтерӳҫӗсене медаль ҫакса ярса саламларӗ.