И.Я.Яковлев кун-çулĕпе ĕç-хĕлне тĕпчеме хавхалантарас, Чĕмпĕр чăваш шкулĕн историйĕпе интереслентерсе ярас, вĕренекенсен творчествăлла пултарулăхне аталантарас тĕллевпе паян пирĕн шкулта  «Аслă патриарх кун-çулĕн йĕрĕпе» çулçÿрев вăйă иртрĕ. Вăйă 7-9 класра вĕренекенсем хушшинче пулчĕ. 

     Кӑсӑклӑ ыйтусене хуравлас тесен вӗсен И.Я.Яковлев çинчен çырнă чылай материалпа паллашмалла пулчĕ. Çÿлçÿреве пуçтарăннă ачасем хайсен пултарулӑхӗпе, тавçăрулăхĕпе палăрчĕç.  Вăййа пĕтĕмлетнĕ май чи пултаруллисем палăрчĕç: 1-мĕш вырăна – 9-мĕш класс вĕренекенĕсем, 2-мĕш вырăна- 7-8 классем йышăнчĕç. Маттурсем!

      Чӑваш чĕлхипе литературине вĕрентекен Жукова Л.В.тата  жюри членĕ Ермолаева Л.Н. вăйăра хутшӑннисене пурне те ӑшшӑн саламларӗç, тав турӗç. Малашне те иксӗлми хастарлӑх сунчӗç. Пирӗн вӑй туслӑхпа пӗрлӗхре пулнине палӑртрӗç.