Чăваш наци конгресĕ çумĕнчи чăваш чĕлхипе литератури вĕрентекенсен Ассоциацийĕ йĕркеленĕ И.Я. Яковлев çуралнăранпа 175 çул çитнине тата Раççей Федерацийĕн Вĕрентекенпе ăс паракан çулталăкне халалланă «Ман юратнă вĕрентекен» регионсем шайĕнчи литература пултарулăх конкурсне пĕтĕмлетнӗ. 2023 çулхи нарăс уйăхĕн 1-мĕшĕнчен пуçласа 2023 çулхи ака уйăхĕн 1-мĕшĕччен иртнĕ конкурса Раççей Федерацийĕн регионĕсен тата Чăваш Республикин пĕтĕмĕшле пĕлӳ паракан вĕренӳ учрежденийĕсен 5–11-мӗш класӗсенче, професси вӗренӗвӗн учрежденийӗсенче (колледжсемпе техникумсенче), аслă шкулĕсенче вӗренекенĕсенчен, тĕрлĕ организацийĕнче ĕçлекен учительсенчен, библиотекарьсенчен, культура ĕçченĕсемпе вĕренӳ ĕçĕн ветеранĕсенчен 110 ал çыру килнӗ.

     Жюри конкурса килнĕ 110 хайлава тишкерсе пăхса тухнӑ. Ҫырни тĕп шухăшпа килĕшсе тăнине, вĕрентекен сăнарне хакласа автор хăй шухăшне палăртнине, шухăша çыхăнуллă йĕркелесе çырнине шута илсе ĕçсене хак панӑ.Ҫак конкурса пирӗн шкулта чӑваш чӗлхипе литература вӗрентекен Жукова Л.В. та хутшӑнма кӑмӑл тунӑ.

    «Ман юратнă вĕрентекен» конкурсӑн призерӗ пулса тӑнӑ. Людмила Валентиновнӑна саламлатпӑр. Малашне те ӑнӑҫусем сунатпӑр!