Ака уйăхĕн 22-мĕшĕнче Питĕркассинчи вăтам шкулта чăваш чĕлхипе литература эрнелĕхĕ «Улăпла чĕреллĕ çын» презентаципе  уçăлчĕ. 10-мĕш класра вĕренекенсем Аслă патриархăмăрăн Иван Яковлевич Яковлевăн пурнăçĕпе пултарулăхне туллин çутатса парас тĕллевпе проект хатĕрленĕ.

Çавна май биографсен ушкăнĕ "И.Я.Яковлев" презентаци кăтартнă май унăн Раççей халăхĕшĕн тунă вышкайсăр ĕçĕпе паллаштарчĕ.  Историксен ушкăнĕ Чĕмпĕрти чăваш шкулĕн аталанăвĕпе ĕçне-хĕлне çутатса пачĕ. Искусствоведсен  ушкăнĕ вара Иван Яковлевич Яковлевăн ĕçне тăсакан пултаруллă çынсем çинчен каласа пачĕ.

Уяв Иван Яковлевич Яковлевăн пурнăçĕпе пултарулăхĕ тăрăх хатĕрленĕ викторина ыйтăвĕсем çине хурав панипе вĕçленчĕ.